آبادی 24 کروڑ 33 لاکھ 36 ہزارہوگئی:ادارہ شماریات

اسلام آباد (نوائے وقت رپورٹ ) ملک بھر میں ساتویں مردم و خانہ شماری کا سلسلہ جاری ہے جو 15 مئی تک جاری رہے گا۔ ادارہ شماریات کی جانب سے جاری بیان کے مطابق اب تک ہونے والی گنتی میں پاکستان کی مجموعی آبادی 24 کروڑ 33 لاکھ 36 ہزار 354 افراد تک پہنچ گئی ہے۔ ادارہ شماریات کے مطابق اب تک کے اعدادوشمار کے مطابق پنجاب میں 11کروڑ  93 لاکھ ایک  ہزار 782 افراد کو گنا جا چکا ہے۔ اب تک کے اعداد و شمار کے مطابق لاہور میں ایک کروڑ 21   لاکھ 64 ہزار  499 افراد کو گنا جا چکا ہے۔ترجمان ادارہ شماریات کے مطابق اب تک کے اعدادوشمار کے مطابق سندھ میں 5 کروڑ 59  لاکھ 2  ہزار  512 افراد اور کراچی میں ایک کروڑ 84 لاکھ 60  ہزار  641 افراد کو گنا جا چکا ہے۔