لاہور(سپورٹس رپورٹر)پاکستان سپر لیگ کے دسویں ایڈیشن میں غیرملکی کھلاڑیوں سے متعلق ابتدائی حکمت عملی تیار کرلی گئی۔ذرائع کے مطابق پی ایس ایل فرنچائزز نے رواں سال آئی پی ایل میں منتخب نہ ہونے والے کھلاڑیوں پر غور کیا ہے، آئی پی ایل میں منتخب نہ ہونے والے کھلاڑیوں سے آئندہ سال سب سے پہلے رابطہ کیا جائیگا۔ذرائع کے مطابق پی سی بی آئندہ سال آئی پی ایل کی تاریخوں کے ٹکراؤ کے باعث غیرملکی کھلاڑیوں کے حوالے سے حکمت عملی بنارہا ہے، ابتدائی لسٹ میں سٹیو سمتھ، جوش ہیزل ووڈ، جوش انگلس، شان ایبٹ، ڈینیل سیمز کا نام شامل ہے۔ذرائع کے مطابق عادل رشید، بین ڈکٹ، الیکس ہیلز، کرس جارڈن، سیم بلنگز، جو روٹ، ٹم سائوتھی، فن ایلن، کائیل جیمیسن، ایڈم ملن، ایش سوڈھی، رسی وینڈر ڈوسن، تبریز شمسی، ریزا ہینڈرکس اور جیسن ہولڈر ابتدائی لسٹ میں شامل ہیں۔ذرائع کے مطابق پی سی بی اور فرنچائزز پی ایس ایل گورننگ کونسل اجلاس میں غیرملکی کھلاڑیوں پر بات کریں گے۔