لاہور(سپورٹس رپورٹر)پاکستان ویمن کرکٹ ٹیم کے ہیڈ کوچ کیلئے تاحال کوئی نام فائنل نہ ہوسکا۔قومی ویمن ٹیم بغیر ہیڈ کوچ کے دورہ انگلینڈ کیلئے روانہ ہوئی تھی۔ قومی ویمن ٹیم کے ہمراہ کافی عرصے سے عبوری ہیڈ کوچ مہتشم رشید ذمہ داریاں ادا کررہے ہیں۔ذرائع کے مطابق قومی ویمن کھلاڑیوں کے مہتشم رشید پر شدید تحفظات ہیں۔ کھلاڑیوںنے کہا کہ فیلڈنگ کوچ کو ہیڈ کوچ لگایا گیا تو نتائج بھی ایسے ہی آئیں گے۔سابق ہیڈ کوچ قومی ویمن ٹیم مارک کولز نے ویسٹ انڈیز سیریز کے دوران سی وی سی او او سلمان نصیر کو بھیجی تھی۔۔مارک کولزنے سلمان نصیر سے کہا کہ مجھے بغیر اسائنمنٹ کے عہدے سے ہٹا دیا گیا۔میں دوبارہ پاکستان ویمن ٹیم کی کوچنگ کرنا چاہتا ہوں۔پاکستان ٹیم کی کارکردگی دیکھ کر افسوس ہورہا ہے۔انہوںنے درخواست کی کہ انگلینڈ سیریز میں بطور ہیڈ کوچ کام کرنے کا موقع دے کردیکھیں۔ انگلینڈ میں ویمن ٹیم کیساتھ کوچنگ کرنے کے پیسے نہیں لونگا۔اگر نتائج اچھے آئے تو دیکھ لیجئے گا نہیں تو فارغ کردیجئے گا۔سلمان نصیر نے تاحال مارک کولز کو جواب نہ دیا۔چئیرمین پی سی بی محسن نقوی ویمن ٹیم کیلئے ہیڈ کوچ کی نئی تقرری کا اعلان کرچکے ہیں۔