لاہور(سپورٹس رپورٹر)قومی ٹیم کے فاسٹ باؤلر محمد عامر نے کہا ہے کہ آئندہ ماہ ہونے والے ٹی ٹونٹی ورلڈ کپ جیت کر ادھورا کام مکمل کرنا ہے۔ ان کی 15سال بعد دوبارہ ورلڈ کپ کیلئے قومی ٹیم میں واپسی ہوئی ہے جس میں وہ قومی ٹیم کو چیمپئن بنوانے کیلئے پرعزم ہیں۔انہوں نے کہا کہ پاکستان کی طرف سے دوبارہ کھیلنے کا احساس شاندار ہے، میں ادھورا کام مکمل کرنا چاہتا ہوں اور میرا ہدف پاکستان کیلئے ورلڈ کپ جیتنا ہے۔ پاکستان کرکٹ بورڈ اور ٹیم مینجمنٹ نے مجھ پر اعتماد کا اظہار کیا اور میں ان کے اعتماد پر پورا اترنا چاہتا ہوں، میں چار سال بعد دوبارہ ٹیم میں آیا ہوں اور جب آپ اپنے ملک کیلئے کھیلتے ہیں تو اس احساس کو بیان نہیں کیا جا سکتا۔میں خود کو 2019 سے زیادہ فٹ محسوس کررہا ہوں اور جب تک آپ فٹ نہ ہوں، اٰپ اپنا بہترین کھیل پیش نہیں کر سکتے تو مزید بہتر سے بہتر کھیل پیش کرنے کیلئے تیار ہوں۔