9 مئی کواحتجاج کے نام پر ملکی سلامتی  سے کھلواڑ کیاگیا : اقبال صدیق

نوشہرہ ورکاں (نمائندہ نوائے وقت)  مسلم لیگ (ن) کے سٹی صدر اقبال صدیق سدھو، پی پی 59 کے صدر چوہدری مدثر ستار انٹال، و دیگر نے 9 مئی کے واقعات کی مذمت کرتے ہوئے کہا ہے کہ ایک نام نہاد سیاسی پارٹی کے کارکنوں نے احتجاج کے نام پر ملکی سلامتی سے کھلواڑ کیا اور ملک دشمن قوتوں کے اشارے پر پاک فوج کے وقار کو نشانہ بنایا فوجی عمارات دفاتر حتیٰ کہ شہداء کی یاد گاروں کی توڑ پھوڑ کی اور انہیں نذر آتش کیا فوج کے غازی اور شہداء ہمارے ماتھے کے جھومر ہیں۔ ہم ان کی بے توقیری ہرگز برداشت نہیں کریں گے ۔