سکھر/خیرپور( نامہ نگار) سکھر کے قریب ببر لو میں مکان کی چھت گرنے سے 5افراد جاں بحق 45 سے زائد زخمی ہوگئے۔ چار کی حالت تشویشناک ہے۔ زخمیوں میں زیادہ تر تعداد خواتین اور بچوں کی ہے۔ ببر لو میں امام زین العابدین کی شہادت پر جلوس کو دیکھنے کیلئے سینکڑوں خواتین، بچے محلوں کے گھر کی چھتوں پر چڑھ کر جلوس دیکھ رہے تھے کہ حمزہ علی شاہ کے گھر کی چھت گرنے سے 12 سالہ بچی جوہی سولنگی، حنیفاں‘ بے نظیر‘ ریحانہ اور عارفہ جاں بحق ہوئی جبکہ درگاہ بیر واری کی دیوار پر بھی بڑی تعداد میں لو گ سوار تھے وہ بھی گر گئی جس سے 40 سے زائد خواتین 10 مرد اور 10 بچے زخمی ہوئے۔ زخمیوں کو سکھر ، ببر لو او رخیرپور کے ہسپتالوں میں منتقل کر دیا گیا ہے اور ہسپتالوںمیں ایمرجنسی نافذ کرکے ڈاکٹروں کو طلب کیا گیا ہے۔
سکھر چھت