بی پی ایل : چٹاگانگ وائی کنگز اور کھلنا ٹائٹنز نے میچ جیت لئے

ملتان (سپورٹس ڈیسک) بنگلہ دیش پریمیئر لیگ میں مصباح الحق کی چٹاگانگ وائی کنگز نے رنگپور رائیڈرز کو 11 رنز سے ہراکر ایونٹ میں پہلی کامیابی درج کرادی ہے ۔ دوسرے میچ میں کھلنا ٹائٹنز نے سلہٹ سکسرز کو 6 وکٹوں سے قابو کرلیا ۔ بنگلہ دیش میں جاری ایونٹ کے پہلے میچ میں سلہٹ سکسرز نے مقررہ 20 اووروں میں 5 وکٹوں پر 135 رنز بنائے ۔ ناصر حسین 47، تھرنگا اور گونا تھلیکا نے 26، 26 سکور کیا ۔ آرچر اور محمود اللہ نے 2، 2 وکٹ لئے ۔ کھلنا ٹائٹنز نے ہدف 2 اوورز قبل 4 وکٹوں پر حاصل کرلیا۔ مائیکل کلنگر 47 اور محمود اللہ نے 27 رنز بنائے ۔ تیج الاسلام نے 3 وکٹ لئے ۔ محمود اللہ کو پلیئر آف دی میچ قرار دیا گیا۔ دوسرے میچ میں چٹاگانگ وائی کنگز نے 4 وکٹوں پر 166 رنز بنائے ۔ لیوک رونکی 78 مصباح الحق 31 اور مونا ویرا نے 20 سکور کیا۔ جواب میں رنگپور رائیڈرز 8 وکٹوں پر 155 سکور کر پائی ۔ روی بوپارہ نے 38 رنز بنائے ۔ تسکین احمد نے 3 وکٹ لئے انہیں پلیئر آف دی میچ قرار دیا گیا۔