لاہور (سپورٹس رپورٹر+نمائندہ سپورٹس) لاہور شہر کی واحد خواتین کرکٹ گراونڈ کی چار دیواری گرا دی گئی۔ پی سی بی حکام گراونڈ دوبارہ حاصل کرنے کے لئے کوشاں ہوگئے۔ ماڈل ٹاون سوسائٹی حکام کے مطابق گرائونڈ سوسائٹی کی ملکیت ہے اور سوسائٹی نے گراونڈ پی سی بی سے واپس لے لیا ہے ا س کا کیا کرنا ہے یہ ماڈل ٹاون سوسائٹی کی صوابدید ہے ترجمان پی سی بی کا کہنا ہے کہ ماڈل ٹاون سوسائٹی نے بورڈ کو گراونڈ واپس لینے کے حوالے سے آگاہ کردیا ہے۔