پنجاب گروپ آف کالجز میں میوزیکل گالا بلال سعید، فرحان سعید اور آئمہ بیگ نے آواز کا جادو جگایا

ملتان (نیوز رپورٹر) پنجاب گروپ آف کالجز کے ڈائریکٹر پروفیسر اسامہ بشیر نے کہا ہے کہ پنجاب کالج معیاری تعلیم کے ساتھ معیاری تفریح بھی فراہم کر رہا ہے۔ پنجاب گروپ آف کالجز کا مشن تعلیم، تربیت اور معیاری تفریح کی ترجیحی بنیادوں پر فراہمی کو یقینی بنانا ہے۔ ان خیالات کا اظہار انہوں نے پنجاب گروپ آف کالجز کے زیر اہتمام میوزیکل گالا کی تقریب سے خطاب کرتے ہوئے کیا۔ اس موقع پر ملک کے معروف گلوکار بلال سعید، فرحان سعید اور آئمہ بیگ نے اپنی آواز کا خوب جادو جگایا اور انکی آواز اور موسیقی سے طلباء خوف لطف اندوز ہوئے جبکہ علشبہ نے منفرد انداز میں ڈھول بجانے کی شاندار پرفارمنس پیش کی۔