کھرڑیانوالہ: ہتھوڑے مار مار کر بیوی قتل، 2بیٹیوںکو زخمی کر دیا

کھرڑیانوالہ، جڑانوالہ (نامہ نگار +نمائندہ نوائے وقت) شقی القلب شوہر نے بدچلنی کے شبہ میں ہتھوڑے مار مار کر بیوی کو قتل کر دیا، مزاحمت پر دو بیٹیاں بھی زخمی، ملزم گرفتار کرلیا گیا۔ پولیس ذرائع کے مطابق چک نمبر76ر ب رسول پورہ کے رہائشی ریاض احمد کو شبہ تھا کہ اس کی بیوی 45سالہ روبینہ بدچلن ہے، مقتولہ نے ریاض سے دوسری شادی کی تھی۔ ریاض نے ہتھوڑے مار کر روبینہ کو قتل کر دیا جبکہ دو بیٹیوں 18سالہ اقرا اور 20سالہ مریم کو بھی مزاحمت پر ہتھوڑے مار کر شدید زخمی کر دیا جنہیں ہسپتال میں پہنچا دیا گیا۔ پولیس نے ملزم کو گرفتار کرکے کارروائی شروع کر دی ہے۔ نمائندہ نوائے وقت کے مطابق روبینہ بی بی کا گھریلو حالات پر اپنے خاوند ریاض سے جھگڑا ہوگیا جس پر اشتعال میں آکر ملزم نے ہتھوڑے مار مار کر اسے ابدی نیند سلا دیا۔