نوجوت سدھو نے وزیراعظم عمران خان کو ببر شیر قرار دیتے ہوئے کہا کہ کچھ عمران خان جیسے لوگ ہوتے ہیں جو تاریخ بنایا کرتے ہیں۔
تفصیلات کے مطابق کرتارپورراہداری کی افتتاحی تقریب سے خطاب میں نوجوت سدھونے وزیراعظم پاکستان عمران خان کو شاندار الفاظ میں خراج تحسین پیش کیا۔سابق بھارتی کرکٹر کا کہنا تھا کہ عمران خان کے اس احسان کو کوئی نہیں مٹاسکتا،یہ پہلا بہادر وزیراعظم ہے جس نے کوئی نفع نقصان نہیں دیکھاجبکہ ماضی میں دونوں ممالک کے وزرائے اعظم نے اپنا نفع نقصان دیکھا۔نوجوت سدھو کا کہنا تھا کہ بہتر سالوں میں کسی نے سکھوں کی آواز نہیں سنی، مگرگوردوارے کا راستہ نکال کر عمران خان نے مرہم لگانے کا کام کیا ہے،عمران خان آپ کو احساس نہیں کہ سکھ قوم آپ کو کہاں لے جائے گی.
