گوئٹے مالا سٹی(این این آئی)گوئٹے مالا کے ایک پہاڑی گاں میں لینڈ سلائیڈنگ سے درجنوں افراد ہلاک ہو گئے ۔ ہلاک ہونے والوں میں ایک ہی خاندان کے بائیس افراد بھی شامل ہیں۔غیرملکی خبررساں ادارے کے مطابق ممکنہ طور پر زندہ بچ جانے والوں کی تلاش کے لیے امدادی کارروائیاں جاری ہیں تاہم مسلسل بارش کی وجہ سے امدادی کارکنوں کو شدید مشکلات کا سامنا ہے۔ ان دنوں وسطی امریکی ممالک کوسٹا ریکا، نکاراگوا، ہونڈوراس اور میکسیکو کو تباہ کن موسمی حالات کا سامنا ہے، جن کی وجہ سے ان ممالک میں اب تک درجنوں افراد ہلاک ہو چکے ہیں۔