لاہور(سٹی رپورٹر) دی یونیورسٹی آف لاہور میں سابق پاکستانی سفیر اعزاز احمد چوہدری کی کتاب ڈپلومیٹک فٹ پرنٹس کی تقریب رونمائی ہوئی جس میں سابق سفیر شمشاد احمد خان ، چیئرمین بورڈ آف گورنرز یونیورسٹی آف لاہور اویس رئوف ، سابق وفاقی سیکرٹری داخلہ تسنیم درانی ، سابق ہائی کمشنربھارت شاہد ملک ، پرو ریکٹر ناصر محمود ،مصطفی اشر ف، حسن زیدی ، اقبال احمد خان اور ہیڈ آف سوشل سائنسز ڈیپارٹمنٹ ڈاکٹر رابعہ اختر نے شرکت کی۔ تقریب سے خطاب کر تے ہو ئے سابق سفیر و ڈی جی انسٹی ٹیو ٹ آف سٹریٹیجک سٹڈیز اسلام آباد اعزاز احمد چوہدر ی نے کہا کتاب دنیا بھر میں پاکستان کے امیج کو مزید بہتر کرنے کی غرض سے لکھی ہے ۔کتاب کو سب سے زیادہ نوجوان نسل نے سراہا ہے۔چیئرمین بورڈآف گورنرز دی یونیورسٹی آف لاہور اویس رئوف نے سابق سفیر اعزاز احمد کی جانب سے کتاب کی رونما ئی کے لیے یونیورسٹی آف لاہور کا انتخاب کرنا ہمارے لیے باعث اعزاز ہے۔