بھارتی بائولنگ کوچ نے ٹیم کی  شکست کا انوکھا بہانہ ڈھونڈ لیا

لاہور( سپورٹس ڈیسک) ورلڈ کپ ٹی ٹونٹی کی فیورٹ بھارت ٹورنامنٹ سے ہی باہر ہو چکا ہے، جس کے لیے بھارتی بالنگ کوچ نے ٹاس کا بہانہ ڈھونڈ لیا ہے۔بھارتی کوچ ‘بھارت ارن’ نے اگرچہ بھارتی ٹیم کی ناقص کارکردگی کا اعتراف کیا ہے، تاہم ان کا یہ بھی کہنا ہے کہ  ٹی 20 ورلڈ کپ میں ٹاس نے بہت بڑا کردار ادا کیا ہے، خاص طور پر جب آپ دبئی اسٹیڈیم میں کھیل رہے ہوں۔ان کا کہنا تھا کہ جب ہم نے آغاز کیا تو بھارت ٹورنامنٹ کی فیورٹ ٹیم تھی لیکن یہ بدقسمتی کی بات ہے کہ ہمیں پہلے دو میچز میں ہی شکست کا سامنا کرنا پڑا۔