پی ایچ اے کا جیلانی پارک میں ونٹر فیملی فیسٹول کا فیصلہ

لاہور(خبرنگار)پارکس اینڈ ہارٹی کلچر اتھارٹی لاہور نے زندہ دلان لاہور کیلئے خوشخبری سنا دی ہے۔ پی ایچ اے لاہور کا جیلانی پارک میں ونٹر فیملی فیسٹیول کرنے کا فیصلہ کیا گیا۔ فیسٹول میں پنجابی ثقافت کے علاوہ دیہاتی کلچر، خوبصورت ملبوسات، ہینڈی کرافٹس، زیورات اورذائقوں سے بھرے مختلف کھانوں کے اسٹالز لگائے جارہے ہیں۔ فیسٹول کے افتتاح کی حتمی تاریخ کا اعلان آئندہ دنوں میں ڈی جی پی ایچ اے ذیشان جاوید پریس بریفنگ میں کریں گے۔ ونٹر فیملی فیسٹول کے تمام پروگرامات جیلانی پارک ریس کورس میں مختلف دنوں میں منعقد کیے جائیں گے۔