لاہور(سپورٹس رپورٹر) پاکستان ٹیم کے مینٹور اور سابق آسٹریلوی کرکٹر میتھیو ہیڈن نے کہا ہے کہ قومی ٹیم کے کپتان بابر اعظم کی بڑے میچ میں واپسی طوفان کی طرح ہوسکتی ہے، اوپننگ جوڑی توڑنے کے حق میں نہیں ہوں۔ میتھیو ہیڈن نے سیمی فائنل سے پہلے پری میچ پریس کانفرنس میں کہا کہ سیمی فائنل کا سفر اچانک بنا، پاکستان ٹیم ایسی ہے کچھ بھی کرسکتی ہے۔ پاکستان کی اوپننگ جوڑی بہترین ہے، پاکستان اور بھارت دونوں کیلئے  ٹورنامنٹ میں اتار چڑھا آئے، بابر اعظم بہترین کھلاڑی ہے، ان کی بڑے میچ میں واپسی طوفان کی طرح ہوسکتی ہے، بابر اعظم کو سمجھایا ہے کہ اچھا وقت جلد آئیگا، انٹرنیشنل کرکٹ میں بہت مشکل ہوتا ہے کہ مسلسل پرفارم کرتے رہنا۔ شاہین آفریدی انجری کے بعد آیا اب وہ مومینٹم میں آ گیا، چار فاسٹ بائولرز کا ایک خطرناک کمبی نیشن ہے جبکہ ٹاپ آرڈر نے کام نہیں کیا لیکن مڈل آرڈر نے اچھا کھیلا۔ محمد حارث نے ہر نیٹ سیشن میں حصہ لیا اور فاسٹ بائولرز کو اچھا کھیلا، ، بابر بڑا پلیئربڑے میچ میں اچھا کھیلے گا۔ نیوزی لینڈ خطرناک ٹیم،  بائولنگ اٹیک خطرناک اور تجربہ کار ہے۔  شاہین آفریدی کا فارم میں واپس آنا  بہت اچھا ہے، شاہین آفریدی  بائولنگ اٹیک کی سربراہی کررہے ہیں، تمام بائولرز اور سپنرز اچھی گیند بازی کررہے ہیں،  ٹی ٹونٹی کرکٹ میں ایک ستارہ یا کھلاڑی میچ بدل دیتا ہے۔