میلاد منانیوالے اتباع رسول ؐ کا عملی پیکر بنیں: ادریس قادری

ملتان ( سماجی رپورٹر ) تحریک منہاج القرآن ملتان کے ضلعی ناظم زمان خان اعوان کی رہائش گاہ پرمنعقدہ محفل میلادالنبی سے خطاب کرتے ہوئے مرکزی نائب ناظم اعلیٰ علامہ رانا محمد ادریس قادری نے کہا کہ ہماری پیارے نبیؐ کی ولادت سے کائنات روشن و منور ہوگئی۔ پیر محبوب ایزد چشتی،ناز مصطفیٰ اعوان،پروفیسر سنورعلی اعوان،مرکزی رہنما راؤمحمد عارف رضوی،ضلعی صدر یاسرارشاددیوان،مخدوم شہباز ہاشمی،ڈاکٹر جہانزیب اعوان،سجاد نقشبندی، سید حسنین شاہ،یوسف نون،فہیم اللہ احسن،عمر چشتی،مصباح اسحاق،احمد قریشی،صابر علی اوردیگر نے شرکت کی۔علامہ رانا ادریس قادری نے کہا کہ عشق وادب مصطفیٰ کے بغیر ایمان کا کوئی تصور نہیں،پیارے نبی کا اسوہ قیامت تک آنے والے انسانوں کیلئے زریعہ ہدایت ہے۔میلاد منانے والے اتباع رسول کے عملی پیکر بنیں تاکہ معاشرے کو امن و محبت کا گہوارہ بنایا جاسکے۔