پاکستان‘ بھارت فائنل شاندار ہوگا‘اے بی ڈیویلیئرز کی پیشگوئی

کراچی(اسپورٹس رپورٹر) جنوبی افریقۃ کے سابق کرکٹر اے بی ڈیویلیئرز نے بھی ٹی ٹونٹی ورلڈ کپ میں پاکستان اور بھارت کا فائنل ہونے کا امکان ظاہر کیا ہے۔انہوںنے کہا کہ بے شک پول کا نتیجہ تصوراتی ہے، 70فیصد سے زیادہ لوگوں کو لگتا ہے پاکستان بھارت فائنل ہوگا لیکن اس حوالے سے یقینا نیوزی لینڈ اور انگلینڈ کی ٹیمیں بھی کچھ کہنا چاہیں گی۔دونوں ٹیمیں اس وقت مضبوط اور بہترین پوزیشن میں ہیں، ورلڈ کپ کے دونوں سیمی فائنلز شاندار ہونے والے ہیں۔ میرا بھی یہی خیال ہے کہ پاکستان اور بھارت کا فائنل ہوگا، یہ مقابلہ منہ میں پانی لانے والا (شاندار)ہوگا۔