کراچی (اسپورٹس رپورٹر) کراچی میں فٹبال کا جنون کبھی ماند نہیں پڑا آپ کو گلی کوچوں سے لیکر گراونڈ تک فٹبالرز ہی دکھائی دیں گے شہر کی دو مشہور ویٹرنز فٹبالرز کلب کے درمیان دلچسب میچ کھیلا گیا جس میں ریئل کراچی ویٹرنز اور گلشن سوکر ویٹرنز کی ٹیمیں آمنے سامنے تھیں مدھو محمڈن فٹبال گراؤنڈ پر کھیلے گئے میچ میں ریئل کراچی ویٹرنز کی قیادت انٹرنیشنل فٹبالر ناصر اسماعیل کررہے تھے جبکہ گلشن سوکر ویٹرنز کے کپتان مدثر صابر تھے دونوں ٹیموں کے درمیان زبردست مقابلہ ہوا کھیل کے پہلے ہاف میں ریئل کراچی ویٹرنز ایک گول سے کامیابی لئے ہوئے تھی سیکنڈ ہاف میں دونوں ٹیموں نے ایک دوسرے پر پے در پے حملے گئے ریئل کراچی ویٹرنز کے محمد سمع نے دو شیراز (میرا ڈونا) نے دو اور روح اللہ نے تین گول اسکور کئے گلشن سوکر ویٹرنز کی ٹیم پانچ کرسکی، مدثر اور زاہد نے دو دو اور ایک گول اظہر اسحاق نے کیا سابق ویٹرنز فٹبالرز کا ایکشن سے بھرپور میچ ریئل کراچی ویٹرنز کے نام رہا انھوں نے میچ سات گول سے جیت لیا۔