سوپر فکس چمپئن شپ ٹرافی 19 نومبر سے شارجہ میں کھیلی جائیگی

کراچی(اسپورٹس رپورٹر) سوپر فکس چمپین شپ ٹرافی19,20 نومبر کو شارجہ کرکٹ اسٹیڈیم میں کھیلی جائیگی، چمپین شپ میں پاکستان، انڈیا سمیت مجموعی طور پر چھ ٹیمیں حصہ لیں گی جن میں سری لنکا، اومان، سعودی عرب، اور یو اے ای شامل ہیں۔ ٹیپ بال کرکٹ کی تاریخ میں پہلی بار پاکستان اور بھارت آمنے سامنے ہونگے۔ دو دن پر مشتمل چمپین شپ میں انعامی رقم 20,000 درہم رکھی گئی ہے۔ رنرز اپ کو 10,000 درہم ملیں گے۔ شائقین کرکٹ کے لیے اسٹیڈیم میں انٹری فری ہوگی۔ پاکستان ٹیپ بال کرکٹ کے نامور کھلاڑی تیمور مرزا، خرم چکوال، مزمل کاموکی، فہد میاں چنو، زہیر کالیا اور اور دیگر ان ایکشن ہونگے۔بھارتی کھلاڑی کرشنا اور بنٹی بھی ٹارنامنٹ میں کھیلیں گے