کراچی(اسپورٹس رپورٹر) آسٹریلیا کے سابق کپتان ایڈم گلکرسٹ نے قومی ٹیم کے کپتان بابر اعظم کو اوپننگ کیلئے بہترین کھلاڑی قرار دیا ہے۔ان سے بابر کے نمبر 3 یا نمبر 4 آنے سے متعلق سوال کیاگیا جس پر ان کا کہنا تھا کہ نہیں بابر اوپننگ کھلاڑی ہے اور پاکستان ٹیم کیلئے  بابر کا ریکارڈ بہترین ہے۔اگرچہ بابر کیلئے یہ ایک مشکل وقت ہے لیکن میرا خیال ہے کہ بابر اوپننگ پر آنے کیلئے ایک بہترین پلیئر ہے۔ یقین سے نہیں کہا جاسکتا ہے کہ ورلڈکپ کیلئے کون سی ٹیم فیورٹ ہے کیونکہ یہ پیش گوئی کرنا خاصا مشکل ہے تاہم پاکستان نے ٹورنامنٹ میں موجود رہنے کیلئے اچھی فائٹ کی اور آج ٹیم سیمی فائنل میں ہے لہذا ان کے پاس اچھا چانس ہے۔