ورلڈسنوکر چیمپئن شپ ‘بابر مسیح کی مسلسل تیسری فتح ‘راﺅنڈ32میں پہنچ گئے

لاہور(سپورٹس رپورٹر)آئی بی ایس ایف ورلڈ سنوکر چیمپئن شپ میں قومی کیوئسٹ بابر مسیح نے مسلسل تیسری فتح حاصل کرلی۔قطر میں ہونیوالی آئی بی ایس ایف ورلڈ سنوکر چیمپئن شپ میں شریک قومی کیوئسٹ بابر مسیح نے لاسٹ 32 راو¿نڈ کیلئے کوالیفائی کرلیا جبکہ محمد نسیم اختر اور احسن رمضان لاسٹ 38 راو¿نڈ کھیلیں گے۔چیمپئن شپ کے تیسرے روز میچز میں قومی کیوئسٹ بابر مسیح نے یواے ای کے کھلاڑی کوشکست دی، بابر مسیح ورلڈ چیمپئن شپ میں تاحال نا قابل شکست ہیں۔تیسرے روز کے میچز میں نسیم اختر اور احسن رمضان کو شکست کا سامنا کرنا پڑا ، نسیم اخترکوبھارتی کیوئسٹ جبکہ احسن رمضان کو ساو¿تھ کوریا سے شکست ہوئی۔