سعودی عرب کی امدادی ٹیم فلسطینیوں کی مدد کیلئے قاہرہ پہنچ گئی

قاہرہ(این این آئی)سعودی عرب کی خصوصی امدادی ٹیم فلسطینیوں تک امدادی سامان پہنچانے کے لیے مصر کے دارالحکومت قاہرہ پہنچ گئی۔عرب میڈیا کے مطابق سعودی عرب کی ٹیم امدادی سامان پہنچانے کے طریقہ کار کا تعین کرے گی۔عرب میڈیا کے مطابق سعودی ٹیم نے مصر میں سعودی سفیر اسامہ نوگالی سے ملاقات کی جس میں غزہ کے متاثرہ افراد تک رفح کراسنگ کے ذریعے امدادی سامان، کھانے کی اشیا اور طبی سامان پہنچانے کے عمل کو تیز کرنے کے طریقہ کار پر بات چیت کی گئی۔عرب میڈیا کے مطابق شاہ سلمان اور ولی عہد شہزادہ محمد بن سلمان کی ہدایت پر سعودی عرب میں حال ہی میں غزہ میں فلسطینیوں کو مدد فراہم کرنے کے لیے مہم بھی شروع کی گئی تھی۔