لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں،گاڑیاں اور دیگر سامان لوٹ لیا۔ تفصیلات کیمطابق ڈاکوؤں نے فیکٹری ایریا کے علاقے میں شبیر کے گھر میں گھس کر اہلخانہ کو یرغمال بناکر6لاکھ10 ہزار روپے مالیت کی نقدی، طلائی زیورات، موبائل فون اور دیگر سامان، نواب ٹاؤن کے علاقے میں  ماجد اور اس کی فیملی سے ساڑھے 3 لاکھ روپے مالیت کی نقدی، طلائی زیورات اورموبائل فون،مغلپورہ کے علاقے میں منصور سے70 ہزار روپے اور موبائل فون،ساندہ کے علاقے میں وقارسے61 ہزار روپے اور موبائل فون،سندر کے علاقے میں سلیم سے 80 ہزار روپے اور موبائل فون،ساندہ کے علاقے میں جبار سے 37 ہزار روپے اور موبائل فون، مصری شاہ کے علاقے میں طارق سے 23 ہزار روپے اور موبائل فون،پرانی انارکلی کے علاقے میں صغیر سے 18 ہزار روپے اور موبائل فون، سبزہ زار کے علاقے میں امجد سے 11 ہزار روپے اور موبائل فون،لٹن روڈ کے علاقے میں عرفان سے 2 ہزار روپے اور موبائل فون لوٹ لیا۔ چوروں نے ٹاؤن شپ کے علاقے میں احمد کے گھر سے 5 لاکھ روپے مالیت کی نقدی، طلائی زیوارات اور دیگر سامان چوری کر لیا۔ چوروں نے اقبال ٹاؤن،ڈیفنس، گرین ٹاؤن اور باغبانپورہ کے علاقوں میں سے 4کاریں جبکہ ہنجروال, ریس کورس, ٹبی سٹی, بھاٹی گیٹ, شاہدرہ ٹاؤن،  مزنگ،  اسلام پورہ اور قائداعظم انڈسٹریل سٹیٹ کے علاقوں میں سے8 موٹرسائیکلیں چوری کر لیں۔