سوراب میں دہشت گردی منصوبہ ناکام ‘ کالعدم تنظیم کے 2 دہشت گرد ہلاک

کوئٹہ(نیٹ نیوز) بلوچستان کے علاقے سوراب میں انسداد دہشت گردی فورس (سی ٹی ڈی) نے اہم کارروائی کرتے ہوئے کالعدم تنظٰم کے 2 دہشت گردوں کو ہلاک کردیا۔ سی ٹی ڈی کے مطابق سوراب میں ایک کارروائی کے دوران دہشت گردی کے منصوبے کو ناکام بنایا گیا، جس کے دوران فائرنگ کے تبادلے میں کالعدم تنظیم کے دو دہشت گرد ہلاک ہوئے۔ترجمان سی ٹی ڈی کے مطابق ہلاک دہشت گردوں کے قبضے سے بھاری مقدار میں اسلحہ، گولہ بارود اور موٹرسائیکل برآمد ہوئی ۔پولیس کے مطابق ہلاک دہشت گردوں کی لاشیں کو ضابطے کی کارروائی اور شناخت کیلئے ہسپتال منتقل کردیا گیا ہے جبکہ اطراف میں دیگر دہشت گردوں کی تلاش کیلئے سرچ آپریشن جاری ہے۔