ننکانہ : کمرے کی چھت گر نے سے بیوہ خاتون جاں بحق‘ ماں بیٹی ‘ 3 بچے زخمی

ننکانہ صاحب( نامہ نگار) ننکانہ کے نواحی قصبہ بچیکی کے محلہ محمدی میں گھر کے کمرے کی بوسیدہ چھت گرگئی چھت کے ملبے تلے دب کر 65 سالہ بیوہ خاتون زرینہ بی بی زخموں کی تاب نہ لاتے ہوئے موقع پر جاں بحق ہو گئی جبکہ حادثے میں جاں بحق ہونیوالی زرینہ کی 30سالہ بہو زینب بی بی اور اسکی 50 سالہ ماں نور بخت شدید زخمی ہو گئیں جبکہ زینب بی بی کے تین بچے معمولی زخمی ہو گئے تمام افراد ایک ہی کمرے میں سوئے ہوئے تھے ۔ ریسکیو 1122 کے عملہ نے وہاں پہنچ کرجاں بحق ہونے والی 65 سالہ خاتون زرینہ کی نعش لواحقین کے حوالے کردی اورزخمی ماں بیٹی کوہسپتال منتقل کر دیا۔