بنی پولیس کی کا رروائی،ڈکیتی معہ قتل کے مقدمہ میں ملوث تیسرا ملزم گرفتار

راولپنڈی(اپنے سٹاف رپورٹر سے)تھانہ بنی پولیس نے کارروائی کرتے ہوئے ڈکیتی معہ قتل کے مقدمہ میں ملوث تیسرے ملزم کو بھی گرفتار کرلیا گیا،گرفتار ملزم کی شناخت محمد حق عرف ماما کے نام سے ہوئی، ملزم سے دوران ڈکیتی چھینی گئی رقم اور اسلحہ برآمد ہوا، ملزم نے دوران واردات فائرنگ کر کے ظاہر خان کو زخمی کیا تھا جو دوران علاج معالجہ جاں بحق ہو گیا تھا،ملزم کے دو ساتھی انس اور فرمان قبل ازیں گرفتار ہو چکے ہیں، بنی پولیس نے ملزمان کو ہیومن انٹیلی جینس اور جدید ٹیکنالوجی کی مدد سے گرفتار کیا،ڈکیتی معہ قتل کے مقدمہ میں مطلوب ملزم کی گرفتاری پر ایس پی راول محمد حسیب راجہ نے ایس ڈی پی او وارث خان اور بنی پولیس ٹیم کو شاباش دیتے ہوئے کہا کہ ملزم کو ٹھوس شواہد کے ساتھ چالان کر کے قرار واقعی سزا دلوائی جائے گی۔