نیپراکی جانب سے بجلی کمپنیوں پر لگائے گئے جرمانوں کی تفصیلات سامنے آ گئیںچ

اسلام آباد(خبرنگارخصوصی)نیشنل پاور ریگولیٹریاتھارٹی (نیپرا)کی جانب سے بجلی کمپنیوں پر لگائے گئے جرمانوں کی تفصیلات سامنے آ گئیں، جن کے مطابق اب تک 1 ارب 95 کروڑ 45 لاکھ روپے کے جرمانے کیے جا چکے ہیں۔ نیپرا کے اعلامیے کے مطابق کے الیکٹرک پر 2015 سے اب تک 32 کروڑ 35 لاکھ روپے کا جرمانہ عائد کیا گیا ہے۔ اس کے علاوہ، بجلی کی تقسیم کار کمپنیوں پر مجموعی طور پر 1 ارب 14 کروڑ 90 لاکھ روپے کے جرمانے کیے گئے ہیں، جبکہ بجلی کی ٹرانسمیشن کمپنیوں کو 5 کروڑ 60 لاکھ روپے جرمانہ ہوا ہے۔ بجلی کی پیداواری کمپنیوں پر مجموعی طور پر 74 کروڑ 95 لاکھ روپے کے جرمانے عائد کیے گئے ہیں، اور کوئٹہ الیکٹرک سپلائی کمپنی کو غیر اعلانیہ لوڈ شیڈنگ پر 5 کروڑ روپے کا جرمانہ کیا گیا۔ نیپرا کے مطابق، 2022-23 کے دوران ہونے والے مہلک حادثات کے نتیجے میں کیسکو (کراچی الیکٹرک سپلائی کمپنی) کو 1 کروڑ 25 لاکھ روپے کا جرمانہ عائد کیا گیا۔ اسی طرح، ملتان الیکٹرک سپلائی کمپنی کو 2020 سے 2023 تک 4 کروڑ 40 لاکھ روپے جرمانہ کیا گیا۔ آئیسکو (اسلام آباد الیکٹرک سپلائی کمپنی) کو 2017 سے اب تک 10 کروڑ 50 لاکھ روپے، فیسکو کو 5 کروڑ 50 لاکھ روپے، اور حیسکو کو 15 کروڑ 20 لاکھ روپے جرمانہ کیا گیا ہے۔ لاہور الیکٹرک سپلائی کمپنی (لیسکو) کو رواں مالی سال میں 5 کروڑ 60 لاکھ روپے کا جرمانہ عائد کیا گیا۔ اسی طرح، این ٹی ڈی سی (نیشنل ٹرانسمیشن اینڈ ڈسپیچ کمپنی) کو 2016 سے لے کر گزشتہ مالی سال تک 4 کروڑ 60 لاکھ روپے جرمانہ کیا گیا ہے۔ پیداواری کمپنی جینکو کی تفصیلات میں بتایا گیا کہ جینکو ون کو 2018 سے 2020 تک 1 کروڑ 10 لاکھ روپے، جینکو 2 کو 25 کروڑ، اور جینکو 3 کو 3 کروڑ 55 لاکھ روپے جرمانہ کیا گیا۔یہ جرمانے نیپرا کی طرف سے بجلی کمپنیوں کی کارکردگی، سروس کی فراہمی، اور مختلف قوانین کی خلاف ورزیوں پر عائد کیے گئے ہیں تاکہ صارفین کو بہتر سروس کی فراہمی اور توانائی کی فراہمی میں بہتری لائی جا سکے۔