جمعہ کی شب ہونے والے ڈرون حملے میں دتہ خیل میں ایک گھر کو نشانہ بنایا گیا اور جاسوس طیارے سے گھر پر دو میزائل داغے گئے۔ حملے کے نتیجے میں گھر میں موجود پانچ افراد شہید اور متعدد زخمی ہو ئے۔ تاہم فوری طور پر یہ معلوم نہیں ہو سکا کہ شہید ہونے والوں میں خواتین اور بچوں کی تعداد کتنی ہے۔ واضح رہے کہ پاکستان میں عوامی سطح پر سخت احتجاج کے باوجود وزیرستان میں امریکہ کے ڈرون حملوں میں گزشتہ کچھ عرصے سے تیزی دیکھنے میں آئی ہے۔