وزیر اوقاف عبدالحسیب نے اپنے بیان میں کہا ہے کہ عبداللہ شاہ غازی کے مزارپرداخلے کے لئے موجودہ مرکزی دروازہ بند کرکے نیا داخلی دروازہ بنایا جائے گا، اور مزارات پر حفاظتی انتظامات سخت کرنے کے لئے آئی جی سندھ کو بھی خط لکھ دیا گیا ہے، اُن کا کہنا تھا کہ مزار پر آنے والے زائرین کی تین مقامات پر چیکنگ کی جائے گی، جس کے بعد اُنہیں داخلے کی اجازت ہوگی، صوبائی وزیر اوقاف  نے کہا کہ عبداللہ شاہ غازی کے مزار کے لئے واک تھرو گیٹ اور دیگر ضروری سامان بھی جلد ہی خریدا جائے گا۔