بھارت کے شہرنئی دہلی میں جاری گیمز کے ٹینس ایونٹ میں آسٹریلیا کی روڈی نووا نے دو گھنٹے سے زائد جاری رہنے والے میچ میں اپنی بھارتی حریف ثانیہ مرزا کو سخت مقابلے کے بعد شکست دی۔ پاکستانی کرکٹرشعیب ملک کی اہلیہ کو پہلے سیٹ میں چھ تین سے ناکامی کا سامنا کرنا پڑا لیکن انہوں نے دوسرے سیٹ میں زبردست کم بیک کرتے ہوئے چھ دو سے کامیابی حاصل کی۔ تیسرے سیٹ میں دونوں کھلاڑیوں کے درمیان زبردست مقابلہ دیکھنے میں آیا تاہم بھارتی ٹینس سٹاریہ سیٹ چھ سات سے ہارگئیں۔ اس کامیابی سے گیمز میں آسٹریلیا کے گولڈ میڈلز کی تعداد باون ہوگئی۔