لاہور (کلچرل رپورٹر) لاہور آرٹس کونسل اور ایشین کلچرل ایسوسی ایشن نے فلم ڈائریکٹر و پروڈیوسر اسلم ڈار کے اعزاز میں الحمرا ہال میں ”اعترافِ فن“ کے نام سے تقریب کا انعقاد کیا جس میں فلم انڈسٹری کی اہم شخصیات کی بڑی تعداد نے شرکت کی۔ ہدایتکار سیدنور، جمشید نقوی، اعجاز کامران، عرفان کھوسٹ، سہیل بخاری، پرویز کلیم، شاہد، شان اور نشو نے ان کی شخصیت اور فنی خدمات پر روشنی ڈالی جبکہ اداکارہ نادیہ علی، شین، مدھو اور دیگر فنکاروں نے اسلم ڈار کی فلموں کے مقبول گانوں پر پرفارم کیا۔ دردانہ رحمان، فیاض خان، الطاف حسین، نیلو، شیخ اکرم، سہیل حسینی اور عمران حسینی نے بھی شرکت کی۔