سٹاک ہوم (نوائے وقت نیوز+ آن لائن) طبیعات کے نوبل انعام 2013ء کا اعلان کر دیا گیا۔ نوبل انعام بیلجیئم کے سائنسدان فرانسو اینگلرٹ اور برطانیہ کے پیٹر ہگس کو دیا گیا۔ ہگس نے کہا میں انعام دینے پر رائل سویڈش اکیڈمی کا شکرگزار ہوں۔ اس حوالے سے مجھ پر بہت دبائو تھا۔ نئے پارٹیکل کی دریافت پر حوصلہ افزائی کرنے پر دوستوں، رشتہ داروں کا شکرگزار ہوں اور کام کو پایہ تکمیل تک پہنچانے والے مبارکباد کے مستحق ہیں۔