لاہور+ رائے ونڈ (سٹاف رپورٹر +نامہ نگار) تبلیغی اجتماع چوک میں کنٹینر موٹرسائیکل سوار پر چڑھ گیا ،جس کے نتیجہ میں موٹر سائیکل سوار نوجوان نعیم موقع پر ہلاک ہوگیا ،پولیس چوکی فیکٹری ایریا نے کنٹینر کے ڈرائیور کو حراست میں لیکر کنٹینر قبضہ میں کرلیا ہے ،متوفی محمد نعیم دوبچوں کا باپ اور فیکٹری ملازم تھا جو چھٹی کے بعد گھر رائے ونڈ واپس آرہا تھا ،کنٹینر ڈرائیور غلام محمد کے خلاف مقدمہ درج کرلیا گیا ہے ،کنٹینر مقامی ملز کا سامان لیکر جارہا تھا کہ متوفی پچھلے پہیوں کی زد میں آگیا ۔ لاہورکینال روڈ ڈاکٹر ہسپتال کے قریب ایک ٹرک انڈرپاس سے ٹکرا گیا،جس کے نتیجے میں ایک نوجوان جاں بحق اور 4 زخمی ہو گئے۔ ریسکیو ذرائع کے مطابق ہفتہ کوحادثہ کا شکار ہونے والے ٹرک کی چھت پر5 افراد سوار تھے۔ٹرک جب کینال روڈ انڈر پاس سے گزرا تو انڈر پاس سے ٹکرا گیا،جس کے نتیجے میں 21 سالہ علی جاں بحق ہو گیا،جبکہ 4 افراد شدید زخمی ہو گئے ۔