کراچی (اسٹاف رپورٹر) پاک اسٹار پی سی بی گرائونڈ ملیر پر جاری علی حسین چیمپیئنز ٹرافی کر کٹ فیسٹول میں گزشتہ روز مزید دو میچز کے فیصلے ہو گئے،شاہ ٹائو ن جمخانہ نے طوبیٰ اسپورٹس کو چالیس رنز سے شکست دیدی ،میچ کی نمایاں بات پہلے بیٹنگ کر تے سہیل طاہر نے شاندار 84رنز اسکورز بنائے جس میں سات چوکے اور تین بلند و بال چھکے شامل تھے جبکہ سہیل طاہر نے 20رنز کے عوض چار کھلاڑیوں کو آؤٹ کیا۔ میچ کے اختتام پر عرفان علی فرسٹ کلاس پلیئر نے سہیل طاہر کو مین آف دی میچ پانچ سو روپے کیش ایوارڈ پیش کیا، دوسرے میچ میں کراچی ایگلٹس سی سی نے اعظم اسپورٹس کو چار وکٹوں سے شکست دی،میچ کی نمایاں بات کراچی ایگلٹس سی سی کے آل رائونڈرمحمد یعقوب نے دلکش اسٹروکس کی مدد سے ناقابلِ شکست 33رنز اور عمدہ بولنگ کا مظاہرہ کر تے ہوئے تین کھلاڑیوں کو آؤٹ کیا میچ کے اختتام پر کراچی ایگلٹس کے صدر ناظر عباس نے محمد یعقوب کو مین آف دی میچ ایوارڈ پانچ سو روپے کیش ایوارڈ پیش کیا۔