کراچی(نوائے وقت نیوز) کراچی کے مقامی ہوٹل میں پاکستانی طلبا کو اعلیٰ تعلیم کے مواقع فراہم کرنے کے لیے 25 امریکی یونیورسٹیوں کے وفود نے دو روزہ یو ایس کالج فیئر منعقد کیا۔تیرہویں دوسالہ ’’ساوتھ ایشیا ٹور‘‘ کے ذریعے سندھ بھر کے ہزاروں طلبہ، ان کے والدین، کونسلروں اور مقامی یونیورسٹیوں کے عہدے داروں کو امریکا میں تعلیم کے وسیع مواقع سے آگاہی اور تعلیمی اداروں میں داخلوں کی براہ راست رہنمائی میسر ائی، کراچی میں امریکی قونصل جنرل جو این ویگنر نے شرکا سے خطاب کرتے ہوئے کہا کہ ’’ہمیں خوشی ہے کہ مقامی طلبا کو امریکی جامعات میں داخلوں کا موقع فراہم کرنے کیلیے 25 سے زائد یونیورسٹیوں کے نمائندے یہاں ائے ہیں ، یہ حالیہ برسوں میں پاکستان کا دورہ کرنے والی یونیورسٹیوں کی سب سے بڑی تعداد ہے۔