آسٹریلیا کا پاکستان اور سری لنکا سے ٹی 20سیریز کیلئے سکواڈ کا اعلان

لاہور(سپورٹس رپورٹر+نمائندہ سپورٹس) سری لنکا اور پاکستان کیخلاف ٹی 20سیریز کیلئے آسٹریلوی سکواڈ کا اعلان کردیا گیا۔کرکٹ آسٹریلیا آئندہ برس اپنے ملک میں شیڈول ٹی ٹوئنٹی ورلڈکپ کی تیاریوں کا آغاز سری لنکا اور پاکستان کے خلاف 3،3ٹی 20میچوں کی سیریز سے کررہا ہے، جس کے لیے ایرون فنچ کی قیادت میں 14رکنی ٹیم کا اعلان کردیا گیا ہے ڈیوڈ وارنر اور سٹیو سمتھ بال ٹیمپرنگ کیس میں سزا ختم ہونے کے بعد اب پہلی بار ٹی 20سکواڈ کا حصہ بھی بنے ہیں۔ دیگر کھلاڑیوں میں ایلکس کیری، آسٹن ایگر ، پیٹ کمنز ، گلین میکسویل، بین میکڈرمٹ ، کین رچرڈسن ، بلی سٹین لیک، مچل سٹارک ، آسٹن ٹرنر، اینڈریو ٹائی اور ایڈم زمپا شامل ہیں۔ پاکستان اور آسٹریلیا کے درمیان پہلا ٹی 20میچ 3نومبر کو سڈنی میں ہوگا۔