چار سدہ / ہری پور (نوائے وقت رپورٹ+ اے پی پی) گڑھی حمید گل چارسدہ میں فائرنگ سے 3 بھائی جاں بحق جبکہ چوتھا زخمی ہوگیا۔ زخمی کو  ایل آر ایچ ہسپتال پشاور منتقل کر دیا گیا۔ جہاں علاج کیا جا رہا ہے۔  دوسری جانب ہری پور کے علاقے دویان آبی میں گورنمنٹ پوسٹ گریجویٹ کالج فار بوائز کے قریب دو حریف گروپوں کے درمیان متنازعہ اراضی پر جھگڑا ہوا جس کے بعد فائرنگ کے تبادلے میں دو بھائیوں سمیت چار افراد مارے گئے اور دو زخمی ہو گئے۔ زخمیوں کو تشویشناک حالت کے باعث ایبٹ میڈیکل کمپلیکس ریفر کر دیا گیا ہے۔ پولیس نے ملزمان کے خلاف مقدمہ درج کرکے تحقیقات شروع کر دی ہیں۔