گوجرانوالہ(نمائندہ خصوصی)محکمہ اوقاف پنجاب کے زیراہتمام جامع مسجد فاروقیہ پونڈانوالہ چوک گوجرانوالہ میں بچوں اوربچیوں کے درمیان نعت خوانی کے مقابلے منعقد ہوئے جن میں ضلع گوجرانوالہ اور ضلع حافظ آباد کے کم عمر نعت خوانوں نے حصہ لیا۔ ڈسٹرکٹ خطیب اوقاف گوجرانوالہ سرکل حافظ شاہد فاروق بٹ نے مقابلوں میں پوزیش حاصل کرنے والے بچوں میں انعامات اور سرٹیفکیٹ تقسیم کئے۔ نعت خوانی کے مقابلوں کے نتائج کے مطابق ضلع گوجرانوالہ کے پندرہ سال سے کم عمر لڑکوں کے مقابلوں میں سید عبداللہ اور لڑکیوں میں سیدہ ازکی نے اول پوزیشن حاصل کی۔