(وقائع نگار)ملیر سٹی پولیس نے جرائم پیشہ عناصر کے خلاف تابڑ توڑ کارروائیاں کرکے متعدد وارداتوں میں ملوث 3ملزمان سمیت38 منشیات فروش خواتین کو گرفتار کرلیا،خواتین ملزمان کے قبضے سے بھاری تعدادمیں منشیات بھی برآمد کرلی گئی ہے، شہر میں خواتین منشیات فروشوں کے خلاف پولیس نے بھرپور کارروائی کی ،اسپیشل برانچ رپورٹ کے مطابق خواتین میں منشیات فروشوں کی تعداد زیادہ ہے جبکہ قائدآباد اور اسٹیل ٹاؤن پولیس نے اسٹریٹ کرائم اور منشیات فروشی میں ملوث گرفتارتینوں ملزمان سے غیرقانونی اسلحہ بمعہ ایمونیشن اور آئس برآمدکرلیا، ،گرفتار ملزمان عادی مجرم اور متعدد بار مختلف نوعیت کے مقدمات میں گرفتار ہو کر جیل جا چکے ہیں،،ترجمان ضلع ملیر پولیس کے مطابق گرفتار ملزمان میں عبدالطیف، عمران اور حیات اللہ شامل ہیں،ملزمان سے برآمد اسلحہ فارنزک کیلئے روانہ کردیاگیاہے۔