لاہور(سپورٹس رپورٹر)چیف آصف ایئر سٹاف انٹرنیشنل سکواش چیمپئن شپ 11 سے 15 اکتوبر تک اسلام آباد میں کھیلی جائیگی۔30 ہزار ڈالر مالیت کے مینز اور ویمنز ایونٹس میں 22 غیر ملکی کھلاڑی بھی شریک ہوں گے۔پاکستان سکواش فیڈریشن کے سیکرٹری ونگ کمانڈر ارمغان عزیز نے اسلام آباد میں اس حوالے سے پریس کانفرنس کی۔انہوں نے بتایا کہ پاکستان سکواش فیڈریشن کھیل کی بحالی کیلئے کوشاں ہے، کروناکی وبا کے باوجود انٹرنیشنل سکواش ٹورنامنٹ کا انعقاد کیا جارہا ہے۔چیمپئن شپ کے مینز ایونٹ میں 14 غیر ملکی کھلاڑی شرکت کررہے ہیں۔ویمن ایونٹ میں 8 غیر ملکی شریک ہیں۔