لاہور(سپورٹس رپورٹر)پاکستان کرکٹ بورڈ کے زیر اہتمام جاری نیشنل ٹی ٹونٹی کپ کے 23ویںمیچ میں ناردرن نے سنٹرل پنجاب کو 5وکٹوں سے شکست دیدی ۔ ناردرن نے ٹاس جیت کر فیلڈنگ کا فیصلہ کیا ۔ سنٹرل پنجاب نے 5وکٹوں کے نقصان پر 194رنز بنائے ۔ احمد شہزاد 77‘محمد اخلا ق61‘شعیب ملک 19‘حسین طلعت 11‘فہیم اشرف 12رنز بناکر نمایاں رہے ۔ عامر جمال نے تین ‘سہیل تنویر اور زمان خان نے ایک ایک وکٹ حاصل کی ۔ ناردرن نے ہدف آخری اوور میں پانچ وکٹوں کے نقصان پرپورا کرلیا ۔ علی عمران 55‘ناصر نواز دس ‘حیدرعلی سینتیس‘کپتان عمر امین تیرہ ‘مبصر خان بائیس رنز بناکر آئوٹ ہوئے ۔ عامر جمال ستائیس اور روحیل نذیر چھبیس رنز پر ناقابل شکست رہے ۔ حسین طلعت اور قاسم اکرم نے دو دو کھلاڑیوں کو آئوٹ کیا ۔ عامر جمال کو میچ کابہترین کھلاڑی قرار دیا گیا ۔ سندھ نے شرجیل خان کی سنچری کی بدولت سدرن پنجاب کو 45رنزسے ہرا دیا ۔سندھ ٹیم نے سات وکٹوںپر 196رنز بنائے ۔ شرجیل خان نے 101رنز کی اننگز کھیلی ۔ نسیم شاہ اور محمد عمران نے دو دو کھلاڑیوں کو آئوٹ کیا ۔سدرن پنجاب کی ٹیم 151رنز پر آئوٹ ہو گئی ۔ طیب طاہر بتیس اور محمد عمران انتیس رنز بناکر نمایاں رہے ۔ رومان رئیس نے تین ‘انور علی ‘دانش عزیزاور زاہد محمود نے دو دو کھلاڑیوں کو آئوٹ کیا ۔ شرجیل خان کو میچ کا بہترین کھلاڑی قرار دیا گیا ۔