بحریہ ٹاؤن اور مری بروری کے مابین معاہدہ

کراچی (کامرس ڈیسک) بحریہ ٹاؤن کے ڈپٹی چیف ایگزیکٹیو، ساجد الیاس، نے اپنی ٹیم کے ہمراہ گزشتہ روز مری بروری کا دورہ کیا۔ اس موقع پر ان کا استقبال مری بروری کے چیف ایگزیکٹیواسفنیار بھنڈارا نے کیا۔ دونوں فریقین نے باہمی کاروباری دلچسپی کے امور پر تبادلہ خیال کیا۔بحریہ ٹاؤن اور مری بروری نے مری اسپارکلیٹس کیلئے مفاہمت کی ایک یاد داشت پر بھی دستخط کیے۔یہ اسپارکلیٹس بحریہ ٹاؤن کیلئے خصوصی طور پر ڈیزائن اور پیک کی گئی واٹر بوٹلز تیار کرے گا۔ اس آغاز کا مقصد فریقین کے درمیان کاروباری روابط و تعلقات کو مزید مستحکم کرنا ہے۔تقریب میںمری بروری کے ایس اے ٹو سی ایکس میجر صبیح ،نیشنل سیلز مینجر  عتیق ، اے اے انٹرنیشنل کے سی ای او عاطف حُسین ،میڈیا ایڈوائرز فراست کاظمی ، اور بحریہ ٹاؤن کے نیشنل مینجر مارکیٹنگ فرحان خان بھی شریک ہوئے۔