لاہور(نامہ نگار)سی ٹی ڈی نے لاہور سمیت پنجاب کے مختلف اضلاع میں کارروائی کرتے ہوئے  2 دہشت گردوں کو گرفتار کر لیا ہے۔ ترجمان سی ٹی ڈی کے مطابق ڈیرہ غازی خان سے گرفتار دہشت گرداوں میں سرفراز احمد اور زبیر احمد شامل ہیں۔ دہشت گردوں سے 1320 گرام بارودی مواد، 4 ڈینوٹر، پستول، موبائل فون،نقدی  ،19 ممنوعہ پمفلٹ، 2 کالعدم تنظیموں کی کتابیں اور 3 کالعدم تنظیموں کے میگزین بھی برآمد کئے گئے  ہیں۔ ملزمان کا تعلق ایک کالعدم تنظیم سے ہے۔ ترجمان سی ٹی ڈی کے مطابق رواں ہفتے کے دوران سی ٹی ڈی پولیس نے 367 کومبینگ آپریشن کئے۔کومبینگ آپریشن کے دوران 226 مبینہ دہشت گردوں کو حراست میں لیا گیا۔ حراست میں لیے گئے دہشت گردوں کے خلاف 22 مقدمات درج کئے گئے ہیں۔نوائے وقت رپورٹ کے مطابق سی ٹی ڈی اور سکیورٹی فورسز نے انگورڈھیری رحیم آباد میں آپریشن کیا۔ فائرنگ کے تبادلے میں دہشت گرد باپ بیٹا ہلاک ہو گئے۔ سی ٹی ڈی حکام کے مطابق دہشت گردوں کے قبضے سے اسلحہ و گولہ بارود برآمد کر لیا گیا۔ فائرنگ کے تبادلے میں تین سکیورٹی اہلکار زخمی ہو گئے۔