لاہور(سپورٹس رپورٹر)پاکستانی فاسٹ بائولر حارث رئوف نے کہا ہے کہ شاداب خان کی کارکردگی سے ٹیم کا مزاج تبدیل ہوا ہے۔ ورلڈ کپ سے قبل یہ سیریز انتہائی اہم ہے، شاداب خان کو اچانک نمبر 4 پر بھیجا گیا۔ شاداب خان کی نیوزی لینڈ کے خلاف میچ میں کارکردگی سے ٹیم کا مزاج تبدیل ہوا ہے، یہ سیریز ورلڈ کپ کی تیاریوں کا حصہ ہے۔ کپتان کو مجھ پر اعتماد ہے، کوشش کرتا ہوں کہ اعتماد پر پورا اتروں‘ نیوزی لینڈ کے خلاف میچ میں پلان کے مطابق بائولنگ کی، جس کی بدولت کامیابی بھی ملی۔