پاکستان جونیئر لیگ میں آل رائونڈرز کی تلاش ہدف:عبد الرزاق 

لاہور( سپورٹس رپورٹر)پاکستان کرکٹ ٹیم کے سابق آل رائونڈر عبدالرزاق نے پاکستان جونیئر لیگ میں آل رائونڈرز کی تلاش کو ہدف قرار دیتے ہوئے کہا ہے کہ میں آل رائونڈرز کو نظر میں رکھوں گا اور امید ہے لیگ سے آل رائونڈرز ملیں گے جنہیں تلاش کر کے ان پر کام کروں گا اور مزید بہتری لانے کی کوشش کروں گا۔ پاکستان جونیئر لیگ نوجوان کرکٹرز کے لیے ایک پریشر والا ٹورنامنٹ ہے، ان کرکٹرز کو ٹیسٹ سینٹر پر کھیل کر انٹرنیشنل کرکٹ کا ایک احساس مل رہا ہے جہاں ابھی انگلینڈ کی کرکٹ ٹیم کھیل کر گئی ہے۔ لیگ میں معیاری پچز اور گرائونڈ بھی بڑے ہیں کیونکہ ابھی لیگ کی شروعات ہے، آہستہ آہستہ نوجوان کرکٹرز سیٹ ہو جائیں گے اور بڑے سکور ہوں گے۔ ٹی ٹونٹی ورلڈ کپ میں پاکستان ٹیم بہت اچھا پرفارم کریگی، پاکستان ٹیم کو دنیا کی بہترین ٹیم مانتا ہوں۔ اس کی وجہ یہ نہیں ہے کہ میں پی سی بی کا حصہ ہوں اور ملازم کی حیثیت سے کہہ رہا ہوں، ایشیا کپ اور انگلینڈ کے خلاف سیریز میں بدقسمتی کہ وجہ سے نہ جیت سکے حالانکہ پاکستان کے پاس میچ ونر بیٹرز اور بائولرز ہیں اس لیے ٹی ٹونٹی ورلڈ کپ میں پاکستان ٹیم اچھا پرفارم کرے گی۔