عیدمیلادمنانا ہی کافی نہیں،سنت نبویؐ  پرمکمل عمل کیا جائے:ذوالفقار طارقی 

کوئٹہ ( اے پی پی ) اہلسنت وجماعت کے رہنما ذوالفقارعلی طارقی قادری نے  کہا کہ صرف عید میلاد النبیؐ منانا جلوس ریلیوں میں شرکت اور جھنڈے بینر لگانا کافی نہیں بلکہ ہمیں عہد کرنا چاہیے ہم  آقاؑپر درود و سلام پڑھیں گے اور اپنی کوئی نماز قضا ہونے نہیں دیں گے قرآن پاک کی تلاوت کریں گے اور سنت نبویؐپر عمل پیرا رہیں گے۔انہوں نے کہا کہ 12 ربیع الاول کا دن تمام عالم اسلام کے لئے خوشی کا دن ہے کیونکہ حضور نبی کریمؐ کی آمد سے ظلمت کے بادل چھٹ گئے۔ ہر طرف  روشنی پھیل گئی اور انسانیت کو وہ عزت ملی جو پہلے کبھی نہیں ملی تھی۔