اسلام آباد: وفاقی دارالحکومت کے  شاپنگ مال میں خوفناک آتشزدگی کا واقعہ رونما ہوا ہے۔ اسلام آباد کے سینٹورس مال میں آگ لگ گئی، آگ نے شاپنگ مال کی متعدد منزلوں کو اپنی لپیٹ میں لے رکھا ہے۔عینی شاہدین کے مطابق آگ سب سے پہلے مال کے پانچویں فلور پر لگی، مال کے پانچویں فلور پر ایک ریسٹورنٹ واقع ہے۔ڈی سی اسلام آباد کے مطابق آگ لگنے کے باعث سینٹورس مال کے چھ فلورشدید متاثر ہوئے ہیں، امدادی کارروائیاں کرتے ہوئے مال کو مکمل طور پر خالی کرالیا گیا ہے اور آگ بجھانے کے لئے پاک بحریہ کی مدد طلب کرلی گئی ہے۔واقعے کی اطلاع ملتے ہی فائربریگیڈ کی گاڑیاں شاپنگ مال پہنچی اور آگ بھجانے کے عمل میں حصہ لے رہی ہیں، ریسکیو ٹیموں کی جانب سے شاپنگ مال میں پھنسے لوگوں کو نکالنے کا سلسلہ جاری ہے۔پولیس کے مطابق ڈی سی اسلام آباد عرفان میمن سمیت پولیس افسران جائے وقوع پر موجود ہے، ریسکیو اور آگ بجھانے کےلیے ہیلی کاپٹر کو بھی طلب کیا جا رہا ہے، کسی بھی ناخوشگوار واقعے کی پیش نظر سینٹورس مال کے عقبی راستے کو آمدورفت کے لئےمکمل طور پر بند کر دیا گیا ہے۔