اسلام آباد مال میں لگی آگ پر قابو پالیاگیا

اسلام آباد: وفاقی دارالحکومت کے معروف شاپنگ مال میں خوفناک آتشزدگی کا واقعہ رونما ہوا ہے۔ اسلام آباد کے سینٹورس مال آگ نے شاپنگ مال کی متعدد منزلوں کو اپنی لپیٹ میں لے لیاتھا لیکن اب پاک بحریہ اور ریسکیو اداروں کی مدد سے آگ پر قابو پالیاگیاہے۔واقعے کی اطلاع ملتے ہی فائربریگیڈ کی گاڑیاں شاپنگ مال پہنچی اور آگ بھجانے کے عمل میں حصہ لے رہی ہیں، ریسکیو ٹیموں کی جانب سے شاپنگ مال میں پھنسے لوگوں کو نکالنے کا سلسلہ جاری ہے۔عینی شاہدین کے مطابق آگ سب سے پہلے مال کے پانچویں فلور پر لگی، مال کے پانچویں فلور پر ایک ریسٹورنٹ واقع ہے۔