لاہور(سپورٹس رپورٹر) فیم عیسیٰ خان میموریل فلڈلائٹس ٹورنامنٹ میں سینٹرل پارک فٹبال کلب نے کیمپس یونائیٹڈ کو شکست دے کر ایونٹ سے باہر کردیا۔ ماڈل ٹاون لاہور میں جاری ایونٹ میں کھیلے گئے میچ میں دونوں ٹیموں کے درمیان کانٹے کی ٹکر ہوئی۔ دونوں ٹیموں نے ایک دوسرے کی گول پوسٹ پر متعدد حملے کیے مگر صرف ایک ایک بار کامیاب رہیں۔ مقررہ وقت تک برابر رہنے والے میچ کو نتیجہ خیز بنانے کیلئے پینلٹی ککس لگائی گئیں۔ پہلی پانچ پینلٹی کک پر بھی میچ کا فیصلہ نہ ہوسکا۔ تاہم اگلی پینلٹی پر دلچسپ میچ پانچ کے مقابلے چھ گول سے سینٹرل پارک کے نام ہوگیا۔